Manuel, máis coñecido como 'o Rubio de Camelle' nace en Camelle no seo dunha familia humilde. Totalmente ligado ao mar e á Costa da Morte, Manuel perde o seu avó traballando baixo a agua. Marcado pola lembranza que a súa avoa facía do rescate do corpo do seu marido, 'o Rubio de Camelle' decide formarse como buzo profesional.

Mariñeiro e buzo, Manuel cumpre co servizo militar, onde aprende a ler e a escribir. Con 18 anos comeza a formar unha familia numerosa e a mariscar para gañar cartos e loitar pola súa familia. Con oito fillos, Manuel traballa en obras marítimas como buceador. O seu carácter altruista lévao a rescatar máis de 130 cadáveres “sen cobrar un peso” e sempre coas palabras da súa avoa presentes “filliños, non olvidedes que o voso avó e mais eu andivemos pedindo”.

Xubilado no 2013, Manuel adícase a desfrutar da vida. Amante do lecer, asiste a clases de baile de salón e taekwondo. “Onde hai unha bomba aí estou eu”, logo de toda unha vida traballando aposta pola parranda.

Con apenas 1000 habitantes, Camelle é unha aldea do Concello de Camariñas, no occidente coruñés. Bañada polo Océano Atlántico, Camelle é unha localidade mariñeira e de paso turístico.

Este lugar acadou recoñecemento por un antigo habitante anacoreta chegado de Alemaña: 'Man de Camelle', que faleceu tras o desastre do Prestige. Hoxe en día pódese visitar o espazo onde construía as súas esculturas.

Manuel en ILLADOS Documental

Desbaldidor de alegría e simpatía é un gran representante da bondade e da caridade. Toda unha vida dedicada a axudar en todo o que podía, Manuel Tajes traballou sempre para sacar adiante os seus fillos. A súa experiencia persoal tras o falecemento do seu avó levan a Manuel a formarse como submarinista. Ser buceador nos tempos do 'Rubio' lévao a estar longas horas baixo a agua. A soidade e o illamento que vive Manuel baixo a agua marcan hoxe a personalidade do 'Rubio de Camelle'.